Europa nuk ka pasur kurrë më shumë sot të burgosur për vepra apo akte që lidhen me terrorizmin. Ky është konkluzioni i studimit të Qendrës Ndërkombëtare për Radikalizmin në Universitetin e Londrës, i cili ka mbledhur të dhëna nga 10 shtete europiane.
Konkretisht theksohet se xhihadistët përfaqësojnë 82% e të burgosurve.
Listën e kryeson Franca me 549 të burgosur të kësaj kategorie, e ndjekur nga Spanja me 329, Britania me 238 dhe Belgjika 136.
Por autoritetet e këtyre vendeve në shumicën e rasteve nuk e dinë se se çfarë ndodh brenda mureve të burgut.
Kjo mbetet një çështje komplekse edhe për shkak të gënjeshtrave nga ana e xhihadistëve, të cilët janë trajnuar për mënyrën e përgjigjes kur të merren në pyetje.
Sipas raportit, popullsia e të burgosurve është heterogjene, ku është regjistruar rritje e numrit të grave dhe ekstremistëve të djathtë.
Fakti që burgu ofron terren për radikalizmin nuk është diçka e re. Dekada më parë, islamistët egjiptianë, ekstremi gjerman i djathtë, nacionalistët irlandezë dhe grupe të tjerë e kuptuan rëndësinë e burgjeve në forcimin e radhëve të lëvizjeve dhe organizatave të tyre.
Nisur nga kjo, autorët e studimit u bëjnë thirrje politikanëve dhe opinionit publik të "kuptojnë se ruajtja e rendit dhe sigurisë brenda burgjeve është një investim kyç në trajtimin e krimit dhe terrorizmit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
