Presidenti i Serbisë Aleksandar Vuçiç i është kundërpërgjigjur deklaratave të Prishtinës zyrtare, duke krahasuar Albin Kurtin dhe Milo Gjukanoviçin me mizat që sillen përreth kafshëve për t’u marrë ushqimin.
Duke iu përgjigjur reagimeve për blerjen e sistemit raketor kinez FK3, presidenti serb tha “Ne në Ballkan kemi plotë nga ato kafshët e mëdha, por unë më parë do të pranoja rolin e ujku të vetmuar, e jo hienave. E aq më pak, të jem mizë që sillet rreth tyre dhe pret t’ia sjellin prenë”, tha Vuçiç.
“Përpiqen të na paraqesin si dikush që cenon paqen në rajon, edhe pse jemi të rrethuar me territore të NATO-s. Por, nuk dinë ta thonë se në çfarë mënyrë i kërcënojmë ata me armë mbrojtëse”, tha ai.
Ndër të tjera, Vuçiç këshilloi Kurtin dhe Gjukanoviçin të merren më shumë me problemet e brendshme me kriminalitetit, korrupsionit dhe ekonomisë dhe jo me Serbinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
