Presidenti i Iranit, Hassan Rohani, është shprehur se Shtetet e Bashkuara nuk mund të marrin vendime për vendin e tij.
Deklarata e Rohanit erdhi pasi Sekretari amerikan i Shtetit, Mike Pompeo, kërkoi nga Republika Islamike që të bëjë ndryshime të thella, nëse dëshiron t'i hiqen sanksionet amerikane.
"Kush jeni ju që të vendosni për Iranin dhe botën? Bota sot nuk pranon që Amerika të vendosë për të, vendet janë të pavarura, ajo kohë ka marrë fund", tha Rohani, raporton Reuters.
Pompeo tha sot se Shtetet e Bashkuara do t'i vënë Iranit "sanksionet më të fuqishme në histori".
Disa ditë më parë, presidenti amerikan, Donald Trump, njoftoi tërheqjen e SHBA-ve nga marrëveshja bërthamore me Iranin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
