Jeff Bezos mund të ketë gjithçka. Ai mund përshkojë të gjithë globin me një avion privat, apo ta lundrojë atë me flotë mega jahtesh.
Ai ka mundësinë të blejë një arkipelag për familjen dhe miqtë e tij, mund të blejë 65.000 Buggatti Chiron dhe pse vetëm 500 janë të tillë.
Pra si njeriu më i pasur në botë mundësitë janë të pafundme.
Por pse Bezos është i gatshëm të rrezikojë gjithçka për një udhëtim 11-minutësh në hapësirë?
Sa i rrezikshëm është vendimi i tij?
Përgjigja nuk është ajo që mund të prisni, pasi udhëtimet në hapësirë janë të mbushura me rreziqe.
Kompania e Bezos, Blue Origin ka kaluar pjesën më të madhe të dekadës së fundit duke drejtuar raketën suborbitale “New Shepard”, e cila ka kaluar një sërë provash për fluturime.
Shumica e njerëzve mendojnë se fluturimi në hapësirë do të kërkojë disa ditë.
Por në fakt ajo që do bëjnë vëllezërit Bezos dhe bashkudhëtaret e tyre është se do të ngjiten për rreth 11 minuta dhe do të kthehen sërish në Tokë.
Fluturimet suborbital ndryshojnë shumë nga fluturimet orbitale të tipit që shumica prej nesh mendojnë kur mendojmë për fluturimin hapësinor.
Fluturimet e reja të Blue Origin të Shepard do të jenë udhëtime të shkurtra, lart e poshtë, megjithëse do të shkojnë më shumë se 62 milje mbi Tokë.
Raketa orbitale do të ketë mjaftueshëm fuqi për të kapur 17.000 milje në orë në mënyrë që të vazhdojë daljen nga Toka dhe të mos tërhiqet nga graviteti.
Fluturimet suborbitale kërkojnë shumë më pak fuqi dhe shpejtësi.
Fluturimet suborbitale të “New Shepard” godasin rreth 3 herë shpejtësinë e zërit dhe fluturojnë drejtpërdrejt lart derisa raketa të harxhojë pjesën më të madhe të karburantit të saj.
Kapsula e ekuipazhit më pas do të ndahet nga raketa në majë të trajektores dhe për pak kohë do të vazhdojë lart përpara se kapsula pothuajse të qëndrojë pezull në krye të fluturimit të saj, duke bërë që pasagjerët për disa minuta të mos ndjejnë peshën e tyre.
Më pas kapsula “New Shepard” ngadalëson shpejtësinë e saj në më pak se 20 milje në orë për të zbritur në Tokë.
Pra fluturimet e Bezos do të kenë një nivel më të ulët të rrezikut se përpjekjet ambicioze të udhëtimeve të tjera. Por kjo nuk do të thotë se rreziku është zero.
Për shkak se fluturimet suborbital nuk kërkojnë aq shpejtësi ose proces intensiv të përpjekjes për të ri-hyrë në atmosferën e Tokës me shpejtësi të jashtëzakonshme, ato konsiderohen shumë më pak të rrezikshme se fluturimet orbitale.
Me një ri-hyrje orbitale, temperaturat e jashtme të një anije kozmike mund të arrijnë deri në 3.500 gradë Fahrenheit , dhe astronautët mund të përjetojnë 4.5 G forcë që vendoset gjithashtu mbi anijen.
Shpejtësitë dhe lartësitë e mëdha, madje dhe gabimet e vogla vijnë me pasoja të mëdha.
Atmosfera e Tokës zakonisht konsiderohet e pa mbijetueshme në lartësinë mbi 50.000 metër për një afat të caktuar kohor, por kapsula e Bezos do të udhëtojë deri në 350,000 metra për një kohë të shkurtër.
Kapsula me të cilën ai udhëton do të bëhet nën presion, kështu që ai nuk do të ketë nevojë për një kostum të veçantë për të qënë i sigurt, por megjithatë do të ketë një maskë oksigjeni nëse kabina humbet presionin.
Anija kozmike është e pajisur gjithashtu me një sistem aborti të krijuar për të ngritur kapsulën “New Shepard” dhe pasagjerët larg nga raketa.
Ekzistojnë gjithashtu rezerva sigurie për të ndihmuar kapsulën të zbresë butësisht edhe nëse disa nga parashutat e saj nuk arrijnë të vendosen.
Por gjithsesi, nuk ka asnjë siguri nëse diçka nuk shkon me “New Shepard”.
Edhe pse fluturimet suborbital janë më pak të rrezikshme se misionet orbitale, ato përsëri mund të jenë vdekjeprurëse.
Blue Origin nuk ka hasur aksidente të ngjashme tragjike gjatë fazës së saj të testimit, megjithëse - siç shkon një fjalë e urtë e industrisë së vjetër - hapësira është e vështirë.
Burimi: CNN Busines Përshtati: MCNtv.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
