Gazetari Xhevahir Zhabina tha në studion e lajmeve të MCN Tv se operacioni në Maliq ku humbi jetën efektivi i Shqiponjave ka qenë i menduar keq nga policia lokale e Korçës duke qenë se autori i ngjarjes është një personazh me rrezikshmëri të lartë.
Duke vijuar Zhabina tha se është më rëndësi të zhvillohet një hetim penal për zyrtarët e policisë.
Është operacion i shkuar keq dhe i menduar keq nga policia lokale e Korçës për një personazh që paraqiste rrezikshmëri të lartë, pasi autori i kësaj ngjarje, Violand Braçellari ka qenë prej 9 vitesh në kërkim. Kjo tregon për rëndësinë e këtij personazhi, pasi është e pamundur që një personazh lokal t’i shpëtojë për kaq kohë kërkimit. Herë pas herë ka pasur dhe përfshirje të RENEA-s në operacione të ndryshme për ta arrestuar dhe kjo tregon që nuk ka qenë një personazh i lehtë për t’u arrestuar nga policia lokale dhe është e çuditshme si 7-8 efektivë të repartit Shqiponja kanë shkuar në një zonë kaq të thellë, duke shkuar kaq të papërgatitur. Kjo ngjarje krahas hetimit administrativ, është me rëndësi hetimi penal për zyrtarët e policisë. Asnjëherë nuk kemi parë një hetim penal serioz për zyrtarët e policisë.
A ka pasur organizimin siç e kërkon procedura, a janë respektuar të gjitha hallkat, a duhej njoftuar RENEA për të ndërhyrë duke pasur parasysh rrezikshmërinë e tij?
Këtë e nxjerr një hetim administrativ, por në këtë rast, kërkohet një hetim penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
