Rinis dialogu mes Prishtinës dhe Beogradit në nivel ekspertësh. Kryenegociatori i Kosovës, Avni Arifi, dhe drejtori i të ashtuquajturës Zyrë për Kosovë në Qeverinë e Serbisë, Marko Gjuriç, të hënën në mëngjes rinisin bisedimet në Bruksel, të cilat janë anuluar më 16 janar për shkak të vrasjes e Oliver Ivanoviq në Mitrovicë të veriut. Pritet që bisedimet të zgjasin dy ditë dhe do të diskutohet për zbatimin e plotë të gjitha marrëveshjeve të arritura në Bruksel.
Mediat serbe shkruajnë se ditën e parë për të dialogut do të bisedohet për çështjet, siç janë: zbatimi i marrëveshjes për lirinë e lëvizjes dhe tabelat e regjistrimit të automjeteve, menaxhimi i kalimeve kufitare dhe zbatimi i marrëveshjes për gjyqësorin.
Ndërsa themelimi i Asociacionit të Komunave Serbe (ASK) dhe energjetika do të duhej të jenë në axhendën e bisedimeve ditën e dytë të takimit në Bruksel.
Sipas disa burimeve, nëse bisedimet të hënën dhe të martën sjellin përparim në formimin e ASK ose të energjetikës kjo do të mund të jetë një shkak për takimin e paralajmëruar të presidentit të Kosovës, Hashim Thaçi me presidentin serb Aleksandar Vuçiç, shkruan Telegrafi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
