Një gafë e zëvendëskryeministrit të Italisë po bën xhiron e rrjetit.
Gjatë një lidhjeje direkte në një emision të Rai Tre, ministri i Punës dhe lider i Lëvizjes 5 Yjet, Luigi Di Maio, bëri një gabim që u pasua me një lumë komentesh në rrjetet sociale.
Ndërsa shpjegonte rëndësinë e ujit si një nga të mirat parësore që i duhen njeriut, Di Maio tha se “uji është ajo nga e cila ne jemi të përbërë për më shumë se 90%. Duhet të bëhet e mirë publike. Uji, si një e mirë e përbashkët, nuk mund t'i nënshtrohet logjikës së fitimit”.
Në rrjetet sociale janë pafund komentet që i thonë Di Maio-s se e ka tepruar me shifrën. "Çfarë jemi ne, meduza?", pyet një nga komentuesit.
Në fakt, përqindja e ujit në trupin e njeriut është rreth 70%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
