“Nga Bolivia te Surinami”, Zhabina: Lista e vendeve ku grupet shqiptare kanë kontakte sa vjen e shtohet

<p>Gazetari Xhevahir Zhabina thotë se angazhimi në aktivitete të paligjshme u ka krijuar grupeve shqiptare kontakte në shumë vende të botës. Në një intervistë në emisionin “FactCheck”, Zhabina tha se ky fakt i pasqyruar në raportin e SPAK flet shumë për aksesin e grupeve shqiptare, sidomos në Amerikën Latine.</p> <blockquote> <p><em>Lehtësitë që ofron ky vend për shkak të mosekstradimit. Plus jetesa e luksit që bëhet atje, duke mos pasur nevojë të deklarosh nga të vijnë të ardhurat. Dubai nuk mendoj se është një parajsë kaq e madhe. Disa personazhe janë sjellë në Shqipëri nga Dubai. </em></p> <p><em>Ka qenë një procedurë ku Prokuroria e Posaçme nuk ka qenë e pranishme. Autoritetet e këtij vendi zgjodhën më mirë të ktheheshin në Shqipëri sesa t’u rrezikohej jeta. </em></p> <p><em>Pastrimi i parave mund të jetë vepra me më shumë risk. Ne kemi parë se Tirana dhe zonat bregdetare janë zonat ku është ndërtuar më shumë. Kur vjen puna te hetimi i pastrimit të parave nuk është dhe aq e suksesshme. </em></p> <p><em>Grupet kriminale shqiptare, lista e vendeve ku shqiptarët kanë kontakte sa vjen e shtohet. Nga Bolivia deri në Surinami. Fokusi i këtyre shqiptarëve të vendosur atje nuk është thjesht një rrogë. SPAK thotë në raportin e tij se shqiptarët janë të vendosur atje, kanë kontaktet e tyre. &nbsp;</em></p> </blockquote> <p>Zhabina tha se zgjedhjet e 11 majit do të jenë gur prove për Prokurorinë e Posaçme dhe garancitë e hetimit të krimit zgjedhor.</p> <blockquote> <p><em>Raporti i 2025 për krimin zgjedhor do të jetë shumë interesant. Prokuroria e Posaçme po heton dhe do të jetë raport interesat. Do ta kuptojmë pak më vonë. Jam i bindur se prokuroria e posaçme ka nisur disa hetime. Nuk mund të ngresh një strategji dhe të mos bësh asnjë hetim. Këto zgjedhje do të jenë një gur prove edhe për Prokurorinë e Posaçme dhe sa do ta hetojë ajo krimin zgjedhor. &nbsp;Le të kujtojmë këtu si y dështua me dosjet 339 dhe 184.</em></p> </blockquote> <p>Në lidhje me bashkëpunimin e SPAK me autoritetet e vendeve të tjera, Zhabina tha se ai i shërben luftës kundër krimit të organizuar, për të cilën duhet një strategji e re. &nbsp;</p> <blockquote> <p><em>Kjo tregon se shqiptarët janë të shpërndarë në të gjithë kontinentin. Duhet një strategji tjetër në raport me atë se si do të luftohet krimi i organizuar shqiptar. Duhet të presësh shumë dhe ne të gjithë e dimë se me çfarë hapash ecën krimi i organizuar. Me të njëjtin ritëm duhet të ecin edhe institucionet shqiptare. Në këto vende, shqiptarët janë të vendosur për shkak të trafikut të kokainës. </em></p> <p><em>Me pushime në Peru një vit nuk mund të rrish. Shqiptarët janë të vendosur prej vitesh në Amerikën Latine. Një ish-ministër i qeverisë së Perusë ka qenë i vendosur në Tiranë dhe në atë kohë autoritetet peruane kërkuan informacion. </em></p> <p>&nbsp;</p> </blockquote> <p>&nbsp;</p>