“Nëse unë e ndava mendjen për “Po”, përqindja më e madhe është nga im bir”. Kështu deklaroi mbrëmjen e sotme shkrimtarja e njohur dhe kandidatja për deputete e Partisë Demokratike, Flutura Açka teksa tregoi vendimin për t’i thënë “po” përfshirjes në politikë.
Ajo gjithashtu tregoi një ngjarje të djalit të saj të cilin e rrëfen edhe në librin “Biri”, kur një mik i tyre e kishte pyetur se çfarë do të bëhej kur të rritej, “ai ishte vetëm 12 vjeç dhe u përgjigj se donte të bëhej politikan shqiptar i pa korruptuar”, tha Açka duke shpjeguar se përgjigja e tij ishte naive dhe vinte për shkak të asaj që kishte dëgjuar.
“Që të shpjegohem. Në 2017-ën kur filluam ferrin e klinikave, PD kërkoi që të bisedonim. Im bir u shqetësua. Unë e kisha të ndarë mendjen për jo. Por, nëse unë e ndava mendjen për “Po”, përqindja më e madhe është nga ai.
Në libër është një rresht ku flas për tim bir, kur ka qenë gati 12 vjeç dhe i ishte fiksuar slogani që politikanët janë të korruptuar. Një miku ynë e pyeti çfarë do bëhesh kur të rritesh, ai u përgjigj: politikan shqiptar i pa korruptuar. Ai u përgjigj në mënyrë naive”, tregoi Açka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
