Harta e re gjyqësore që parashikon dhe shkrirjen e Gjykatës së Kurbinit, kundërshtohet dhe nga pushteti vendor në këtë zonë. Këshilli Bashkiak miratoi një rezolutë që do i përcillet qeverisë, Ministrisë së Drejtësisë dhe Këshillit të Lartë Gjyqësor, me anë të së cilës kërkohet që të rishikohet harta e re gjyqësore.
Kreu i Dhomës së Avokatisë në Lezhë, Elton Laska, thotë se Gjykata e Kurbinit i plotëson të gjitha kriteret për të mos u mbyllur, ndërsa paralajmëron protesta nëse kërkesat e tyre nuk do të merren në konsideratë.
Referuar hartës së re gjyqësore të propozuar nga Ministria e Drejtësisë dhe Këshilli i Lartë Gjyqësor, Kurbini do të bashkohet me Lezhën, por sipas grupeve të interesit, kjo do të sjellë rritje të kostove dhe mungesë shërbimi për qytetarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
