Dy persona humbën jetën dhe nëntë të tjerë mbetën të plagosur, disa në gjendje të rëndë, si pasojë e shkëputjes së një masivi akulli në Zvicër, në Grand Combin.
Shkëputja e masivit të ngrirë me akull dhe dëborë përfshiu 17 alpinistë, të cilët po ngjiteshin drejt majës.
Viktimat janë një 40-vjeçare franceze dhe një 65-vjeçar spanjoll. Ndërkohë 9 alpinistë të tjerë u dërguan në spitalin e Sion, dy prej tyre në gjendje të rëndë.
Ngjarja e rëndë u shënua në 3400 metra lartësi. Shembja mund të ketë lidhje me temperaturat tejet të larta për stinën e pranverës, çka mund të ketë shkaktuar edhe rrëzimin e masivit të akullit.
Lidhur me ngjarjen, Prokuroria e Sion ka nisur hetimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
