Zëdhënësi i Kremlinit Dmitry Peskov ka hedhur poshtë akuzat se Rusia po përdor furnizimet me gaz natyror si një mjet shantazhi, duke thënë se Rusia është një furnizues i besueshëm i energjisë.
BE-ja e bëri komentin për shantazh më herët sot, pasi Rusia vendosi të ndërpresë furnizimin me gaz për Poloninë dhe Bullgarinë. Moska tha se kjo ishte për shkak se ata kishin refuzuar të paguanin në monedhën ruse, rubla.
Peskov nuk tha se sa vende kanë rënë dakord të paguajnë për gazin në rubla, por tha se Rusia prezantoi rregullin e ri për shkak të sanksioneve nga vendet jomiqësore.
Kjo nevojë është diktuar nga fakti se, siç e dini, një sasi e konsiderueshme e rezervave tona janë bllokuar ose vjedhur. Prandaj, nuk bëhet fjalë për ndonjë shantazh.
Ai tha se nëse konsumatorët e tjerë refuzojnë të paguajnë sipas sistemit të ri, atëherë dekreti i Presidentit Putin, sipas të cilit furnizimi me gaz mund të ndërpritet, do të zbatohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
