Shefi i inteligjencës ushtarake ukrainase, Kyrylo Budanov, do të zëvendësojë Oleksii Reznikov si ministër i Mbrojtjes përballë presionit të shtuar rus në lindje dhe pas skandaleve të korrupsionit, njoftoi një deputet ukrainas të dielën në mbrëmje.
Në moshën 37-vjeçare, Kyrylo Budanov do të drejtojë ministrinë e mbrojtjes, gjë që ka kuptim absolut në kohë lufte.
Kështu tha deputeti David Arakhamia, kreu i grupit parlamentar të Presidentit Volodymyr Zelensky, Shërbëtori i Popullit.
Oleksii Reznikov, 56 vjeç, do të emërohet ministër i Industrive Strategjike, pa specifikuar datën e pritshme për këtë riorganizim të qeverisë.
Lufta dikton lëvizjen e personelit. Kohët dhe rrethanat kërkojnë përforcim dhe fokus. Kjo është ajo që po ndodh tani dhe do të vazhdojë në të ardhmen.
Reznikov, një nga figurat më të njohura të luftës në Ukrainë, u emërua ministër i Mbrojtjes në nëntor të vitit 2021 dhe ndihmoi në ofrimin e armëve perëndimore për forcat ukrainase. Por ministria e tij u dëmtua nga skandale korrupsioni. Zëvendësi i tij u detyrua të jepte dorëheqjen në fund të janarit pas akuzave se ministria nënshkroi kontrata furnizimi me ushqime me dy deri në tre herë mbi çmimet e tregut.
Oleksii Reznikov tha se nuk ishte informuar për emërimin e tij në Ministrinë e Industrisë Strategjike, në një intervistë.
Mund të them se ky është informacion i ri për mua. Nuk kam pasur një bisedë për Ministrinë e Industrisë Strategjike me Presidentin e Ukrainës.
Stresi që kam kaluar këtë vit është vështirë të matet me saktësi. Nuk më vjen turp për asgjë. Ndërgjegjja ime është plotësisht e pastër!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
