Beteja me Covid-19 është shtrirë edhe në hapësirën virtuale. Përmes Kodit të Praktikës për Dezinformimin, Komisioni Europian synon që përmes kompanive Big Tech të luftojë keqinformimin dhe të nxisë njerëzit të vaksionohen.
Komisioni Europian ka publikuar raportet e Facebook, Twitter, TikTok, Microsoft dhe Google mbi masat e marra në qershor në kuadër të kësaj strategjie. Firmëtarët aktualë dhe Komisioni po u bëjnë thirrje edhe kompanive të reja që t'i bashkohen Kodit të Praktikës për dezinformimin pasi kjo do të ndihmojë në zgjerimin e ndikimit të tij dhe do ta bëjë atë më efektiv.
“Me variantet e reja të përhapjes së virusit dhe vaksinimet që vazhdojnë me shpejtësi të plotë, është thelbësore të përmbushim angazhimet. Ne mezi presim forcimin e Kodit të Praktikës”, thotë Věra Jourová, nënkryetare e Vlerave dhe Transparencës në KE.
“BE i qëndroi premtimit të saj për doza të mjaftueshme për të vaksinuar çdo qytetar të BE-së. Të gjithë aktorët tani duhet të marrin përgjegjësinë e tyre për të mposhtur hezitimin e vaksinave të nxitur nga dezinformatat. Ndërsa ne po forcojmë Kodin e Praktikës me platforma dhe nënshkrues, ne po bëjmë thirrje që nënshkruesit e rinj të bashkohen në luftën kundër dezinformimit”, thotë për Eureporter Komisioneri i Tregut të Brendshëm, Thierry Breton.
Sipas raportit të qershorit, fushata e TikTok që mbështet vaksinimin, me qeverinë irlandeze, arriti mbi një milion shikime dhe mbi 20 000 pëlqime.
Google ka vijuar punën me autoritetet e shëndetit publik për të treguar informacion në lidhje me vendet e vaksinimit në Google Search dhe Maps, një veçori e disponueshme në Francë, Poloni, Itali, Irlandë dhe Zvicër. Në Twitter, përdoruesit tani mund të trajnojnë sisteme të automatizuara për të identifikuar më mirë shkeljet e politikës së dezinformimit të platformës COVID-19.
Microsoft zgjeroi partneritetin e tij me NewsGuard, një shtesë e Edge që paralajmëron për uebfaqet që përhapin dezinformata.
Facebook bashkëpunoi me autoritetet ndërkombëtare shëndetësore për të rritur ndërgjegjësimin publik për efikasitetin dhe sigurinë e vaksinave dhe me studiuesit e Universitetit Shtetëror të Miçiganit (MSU) për të zbuluar dhe trajtuar informacionin e pasaktë. Programi i monitorimit të dezinformatave të Komisionit COVID-19 është zgjatur deri në fund të vitit 2021. Raporte të ngjashme do të publikohen çdo dy muaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
