Kuvendi ka mbyllur seancën e sotme plenare, duke votuar ligjet dhe vendimet e parashikuara në rend të ditës.
Deputetët kanë miratuar me 92 vota ndryshimet në projektligjin për 'Gardën e Republikës' dhe me 88 vota ndryshimin e emrit të Bashkisë së Urës Vajgurore në Bashkia Dimal.
Ndërkohë që dekreti i Metës për kthimin e ligjit për Forcat e Armatosura u rrëzua me 83 vota kundër dhe 10 abstenim.
Në arsyetimin e kreut të shtetit thuhet se ky ligj paraqet disa problematika thelbësore, të cilat diktojnë nevojën e rishikimit me qëllim përmirësimin e tyre nga Kuvendi i Shqipërisë.
Sipas Metës ky ligj dekurajon arsimimin e të rinjve, nxit idenë e gabuar se gjen punë dhe “pa shkollë”. Në argumentet e presidentit theksohej po ashtu se ligji cenon meritokracinë dhe drejtimin në Forcat e Armatosura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
