Izraeli njofton se ka nisur një sulm “parandalues” ndaj Iranit, ndërsa raportohen shpërthime në kryeqytet Teheran.
Ministri izraelit i Mbrojtjes, Israel Katz, njoftoi se Izraeli ka nisur një sulm paraprak ndaj Iranit dhe ka shpallur gjendje të jashtëzakonshme në Izrael.
Pas sulmit parandalues të Shtetit të Izraelit kundër Iranit, pritet një sulm me raketa dhe dronë kundër shtetit të Izraelit dhe popullsisë së tij civile në të ardhmen e afërt.
Irani ka material të mjaftueshëm bërthamor për të krijuar bomba bërthamore “brenda pak ditësh”, tha një zyrtar i lartë ushtarak për BBC-në.
Në muajt e fundit, janë bërë përpjekje sekrete për të montuar këto armë, thotë zyrtari.
Sekretari Amerikan i Shtetit i SHBA-së, Marco Rubio deklaroi se:
Sonte, Izraeli ndërmori veprime të njëanshme kundër Iranit. Ne nuk jemi të përfshirë në sulme kundër Iranit dhe përparësia jonë kryesore është mbrojtja e forcave amerikane në rajon.
Izraeli na njoftoi se beson që ky veprim ishte i nevojshëm për vetëmbrojtjen e tij. Presidenti Trump dhe administrata kanë ndërmarrë të gjitha hapat e nevojshme për të mbrojtur forcat tona dhe mbeten në kontakt të ngushtë me partnerët tanë rajonalë.
Më lejoni të jem i qartë: Irani nuk duhet të synojë interesat ose personelin e SHBA-së.
Kryeministri izraelit Benjamin Netanyahu tha se sulmi “goditi në zemër të programit të pasurimit bërthamor të Iranit dhe do të vazhdojë për aq ditë sa të duhen”.
Kryeministri izraelit Benjamin Netanyahu po u bën thirrje qytetarëve izraelitë të ndjekin udhëzimet e ushtrisë. Ai tha gjithashtu se mund t'u duhet të qëndrojnë në zona të mbrojtura për një periudhë të zgjatur kohore.
Netanyahu i përshkroi sulmet ndaj Iranit si "shumë të suksesshme", por Izraeli është në gjendje të jashtëzakonshme në pritje të kundërsulmeve nga Irani.
Banorëve u është thënë të qëndrojnë në zonat e mbrojtura dhe t’u binden udhëzimeve të autoriteteve.
Udhëheqësi suprem i Iranit, Ajatollah Ali Khamenei, thotë se sulmet zbulojnë “natyrën e ligë” të Izraelit, raporton Reuters, dhe se me këtë sulm Izraeli ka përgatitur një fat të hidhur për veten, të cilin do ta marrë.
Televizioni shtetëror iranian ka zbuluar emrat e dy shkencëtarëve të lartë bërthamorë të vrarë në sulmet ajrore izraelite.
Njëri prej tyre është Fereydoon Abbasi, ish-kreu i Organizatës së Energjisë Atomike të Iranit (AEOI). AEOI është përgjegjëse për objektet bërthamore të Iranit.
Abassi i mbijetoi një atentati në një rrugë të Teheranit në vitin 2010.
Tjetri është Mohammad Mehdi Tehranchi, presidenti i Universitetit Islamik Azad në Teheran.
Zëdhënësi i Forcave të Armatosura Izraelite tha se “Irani ka lëshuar mbi 100 dronë drejt Izraelit dhe ushtria po punon për t’i kapur ato”.
Ushtria izraelite pret që më shumë se 100 dronë të lëshuar nga Irani drejt Izraelit të mbërrijnë brenda rreth tre deri në pesë orësh.
IDF thotë se Forcat Ajrore po përgatiten gjithashtu për një lëshim të mundshëm të njëkohshëm të raketave nga Irani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
