Një ish-roje i kampeve famëkeqe naziste qau kur doli në bankën e të akuzuarve në ditën e parë të gjykimit të tij për pjesëmarrje në vrasjen masive në një kamp përqendrimi nazist gjatë Luftës së Dytë Botërore.
Një 94-vjeçari akuzohet se ka ndihmuar dhe favorizuar vrasjen e qindra të burgosurve në kampin nazist të Stutthof pranë qytetit polak Gdansk gjatë Luftës së Dytë Botërore.
I moshuari rrezikon të dënohet me 15 vjet burg. Për shkak se ishte nën 21 vjeç në kohën kur shërbente si roje, ai do të përballet me drejtësinë në një gjykatë minorenesh deri në janar.
Kjo çështje konsiderohet 'simbolike dhe morale' pasi Gjermania vazhdon të kritikohet për trajtimin e vonuar të krimeve të kryera gjatë Rajhut të Tretë. Deri në vitin 2011 prokurorët kanë trajtuar çështjet e personave të përfshirë drejtpërdrejt në vrasje dhe jo bashkëpunëtorëve.
Ish-roja akuzohet se ishte në dijeni të vrasjeve masive midis viteve 1942 dhe 1945, kur shërbeu në kampin e Stutthof ku rreth 65 mijë veta u vranë në dhomat e gazit.
Prokurorët i thanë gjykatës se i dyshuari kishte dijeni mbi metodat e vrasjes. Ish-roja uli kokën kur prokurori përmendi gazin vdekjeprurës Zyklon B.
I pandehuri qau kur dëshmia e të mbijetuarve të Holokaustit u lexua nga avokatët e tyre.
"Shumë njerëz u qëlluan me gaz, u qëlluan ose lanë të vdesin nga uria", shtoi ai, duke theksuar se rojet "dinin për metodat e vrasjes", shkruan Guardian.
Por kur u pyet nga policia në gusht 2017, i akuzuari tha se nuk dinte asgjë për mizoritë në kamp, njoftoi gazeta Die Welt. I pyetur se pse të burgosurit e kampit ishin kaq të hollë, thuhet se ushqimi ishte aq i pakët për të gjithë që, në mënyrë figurative, dy ushtarë mund të futeshin në një uniformë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
