Ish ministri i Ekonomisë Genc Ruli do merret sot në pyetje nga SPAK lidhur me privatizimin e ish-Kompleksit Partizani.
Ndërkohë sot do të pyeten ish-ministri i Mbrojtjes Arben Imami si dhe Xhemal Gjunkshi, në cilësinë e personave që kanë dijeni.
Ndërkohë, ditën e djeshme në SPAK ka dëshmuar edhe ish-drejtuesi i Komandës së Mbështetjes Logjistike të FA, Vladimir Qiriazi, ku u pyete si person që ka dijeni për rrethanat e hetimit dhe për veprimet e tij.
Më herët për të njëjtën çështje ka dëshmuar në SPAK edhe ish-ministri i Mbrojtjes Fatmir Mediu.
Kompleksi Partizani ka përfunduar në SPAK pas padisë që ka depozituar kreu i grupit parlamentar të PS Taulant Balla, ku akuzon kreun e PD Sali Berisha dhe familjarët e tij se kanë përfituar pronat shtetërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
