Gazetari Andi Bushati thotë se marrëveshja PS-PD dëmtoi atë që duhet të jetë misioni i opozitës. Sipas tij, demokratët hoqën dorë nga një pjesë e madhe e komisioneve hetimore të këmbim të njohjes së Sali Berishës nga Rama.
Gjërat normale duhet t’i fitosh përmes normalitetit. Ata u ulën në tavolinë për ta zgjidhur, por nuk zgjidhën asgjë. Opozita është kënaqur që i kanë njohur Saliun. Rama negocioi në këtë mënyrë me non gratën dhe e ka njohur de fakto si palë. Opozita është shumë më e madhe sesa fanatikët berishistë. Në këmbim të njohjes së Saliut, opozita ka hequr dorë nga një pjesë e madhe e komisioneve hetimore. Kanë hequr dorë nga këto detyrime apo obligime të opozitarizmit. Unë i kam parë përfaqësuesit e PD me bilbila e tymuese. Çfarë ndryshoi që u kthyen në normalë dhe u ulën përkrah Lindita Nikollës? Nuk kanë fituar asnjë gjë për të drejtën e opozitarizmit në vend. Gjithmonë Rama shkatërron demokracinë dhe opozitat bëjnë sikur kthejnë një normalitet të rremë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
