Një aksident me pasoja ka ndodhur në orët e pasditës në lagjen numër 13 të Durrësit. Një automjet me drejtues një person ende të paidentifikuar ka përplasur një 6-vjeçar, i cili është dërguar në spital ku po qëndron nën kujdesin e mjekëve.
Autori i kësaj ngjarje menjëherë është larguar nga vendngjarja, ndërsa policia po punon për kapjen e tij.
Njoftimi i Policisë:
"Durrës/Informacion paraprak
Më datë 09.07.2020, rreth orës 19:00, në lagjen nr.17, Durrës, një mjet ende i paidentifikuar, ka aksidentuar shtetasin e mitur A.B., rreth 6 vjeç, i cili ndodhet në spital, nën kujdesin e mjekëve.
Grupi hetimor po punon për zbardhjen e ngjarjes, identifikimin dhe kapjen e autorit."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
