Kompania gjermane e inxhinierisë dhe teknologjisë Robert Bosch GmbH planifikon të shkurtojë deri në 1500 vende pune në dy ndërmarrje në Gjermani deri në fund të vitit 2025.
Gjithçka në mënyrë që të përshtatë fuqinë punëtore me ndryshimet në kërkesë dhe vëllime të porosive në sektorin e automobilave, si dhe për futjen e teknologjive të reja.
Shkurtimet do të prekin vendet e punës në zhvillim dhe shitje, si dhe stafin administrativ në kampuset e kompanisë në Feuerbach dhe Schwieberdingen, tha Bosch në një deklaratë.
Kompania planifikon të adresojë shkurtimet e vendeve të punës përmes zhvendosjeve të stafit dhe marrëveshjeve të daljes në pension të parakohshëm ose ndarjes vullnetare, tha një zëdhënëse e Bosch për The Wall Street Journal.
Kompania vëren se në fillim të vitit të ardhshëm mund të përballet me probleme shumë më serioze sesa pritej më parë.
Megjithatë, Bosch synon ende që të shmangë shkurtimet e detyrueshme të stafit në ndërmarrjet gjermane që prodhojnë produkte për sektorin e automobilave deri në fund të vitit 2027.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
