10 persona janë shoqëruar në komisariat pasi dyshohet se kanë lidhje me ekzekutimin e ish-policit Santiago Malko që ndodhi një natë më parë.
Policia ka identifikuar dhe shoqëruar 10 persona, prej të cilëve mund të zbardhen detaje të reja në lidhje me vrasjen e ish-policit. Mësohet se ish-efektivi është ekzekutuar me kallashnikov.
Arma e krimit është gjetur në makinë e cila u dogj menjëherë pas ngjarjes në Ferraj të Tiranës. Automjeti tip “Mercedez Benz” dyshohet se u përket autorëve të krimit.
Ish-polici Santiago Malko mbeti i vrarë një natë më parë me 10 plumba. Ai u ekzekutuar në orën 22:25, në rrugën “Xhanfize Keko” teksa ishte në ecje me makinën e tij.
Gjithashtu policia ka identifikuar një prej personave që dyshohet se morën pjesë në atentat, me inicialet D.A, i cili është shpallur në kërkim.
26-vjeçari që u ekzekutua një natë më parë në makinën e tij tip “BMW X5” ishte pjesë e bandës së Ervis Martinajt, i njohur ndryshe si bosi i lojërave të fatit. Malko kishte gjithashtu në pronësi disa pika bastesh sportive.
Malko ka qenë i përfshirë në ngjarjen e 4 tetorit 2018, ku dhe ndodhi vrasja e Fabian Gaxhës në ish-Bllok pas një përplasjeje me armë. Gjithashtu është përfshirë në një sherr me dy vëllezërit Lashi në vitin 2016 për një borxh prej 1 mijë eurosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
