Korrespondentja Arjola Hasanaj, nga vendburimi ku furnizohet fshati i Tragjasit, Radhimës dhe Orikumi tha përmes një lidhjeje të drejtpërdrejtë me studion e MCN Live se banorët e këtyre fshatrave po hasin shumë vështirësi dhe po ngrenë ankesa për ujin që në shtëpitë e tyre është i ndotur dhe i paktë.
Uji është i ndotur. Shkak sipas banorëve, është projekti që po zhvillohet në Tragjas që do të furnizojë me ujë fshatrat e Himarës.
Shkak i ujit të ndotur sipas banorëve është bërë edhe se niveli i ujit është ulur dhe pompa po tërheq dherat. Prej gushtit qytetarët thonë se kanë pasur shumë pak ujë.
Uji tek banorët shkon i ndotur dhe në sasi shumë të paktë. Vendburimet në Tragjas janë dy. Punimet po zhvillohen tek vendburimi i parë. Kjo situatë ka nisur që prej muajit gusht.
Një prej banoreve të Tragjasit tha se uji tek burimet është pakësuar dhe se ata tashmë nuk mund as të prodhojnë produktet e tyre bujqësore.
Është pakësuar uji tek burimet. Më parë vinim lanim rrobat, tani s’bëjmë asgjë. Këtë vit ka nisur që në qershor-korrik. Ka ardhur duke u pakësuar. Kur të vijë vera nuk vadit dot nëse kushtet janë të tilla. Na vjen shumë pak ujë. Uji nuk është i pastër. Është pakësuar uji dhe tek vendburimi tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
