Japonia do të nxisë të rinjtë të pijnë më shumë alkool

Qeveria japoneze është goditur nga një problem i pazakontë, të rinjtë e saj nuk po pinë mjaftueshëm.

Që nga fillimi i pandemisë, baret dhe ambientet e tjera që shesin alkool janë goditur rëndë nga  kufizimet e Covid 19, duke bërë që shitjet  dhe të ardhurat nga taksat e pijeve të bien në ekonominë e tretë më të madhe në botë.

Zgjidhja e qeverisë? Lançimi i një konkursi për të gjetur mënyra të reja për të inkurajuar të rinjtë të pinë më shumë.

"Sake Viva!" fushata, e mbikëqyrur nga Agjencia Kombëtare e Taksave, fton pjesëmarrësit të paraqesin ide se si të stimulojnë kërkesën tek të rinjtë për alkool përmes shërbimeve të reja, metodave promovuese, produkteve, dizajneve dhe madje edhe teknikave të shitjes duke përdorur inteligjencën artificiale ose metaverse, sipas faqen zyrtare të konkursit.

Në faqen e internetit është shkruar se tregu vendas i pijeve alkoolike po zvogëlohet për shkak të ndryshimeve demografike.

Tregu vendas i pijeve alkoolike po zvogëlohet për shkak të ndryshimeve demografike si rënia e lindjeve dhe plakja e popullsisë, dhe ndryshimet e stilit të jetesës për shkak të ndikimit të Covid-19.

Konkursi përfshin ide promovuese për të gjitha llojet e alkoolit japonez, me aplikime të hapura deri më 9 shtator. Finalistët do të ftohen në një konsultim ekspertësh në tetor, përpara një turneu final në nëntor në Tokio. Fituesi do të marrë mbështetje për planin e tyre për t'u komercializuar, sipas zyrës së taksave.