Policia e Korçës ka identifikuar një rast të ngacmimit seksual në qytetin e Korçës.
Një 45-vjeçar, B. D., me profesion mësues është arrestuar nga policia pasi dyshohet se ka ngacmuar seksualisht dy vajza të moshës 14-vjeçare, nxënëse të shkollës 'Sotir Gjura' ku ai ushtron profesionin e tij.
Burime nga policia për korrespondenten e MCN nga Korça, bëjnë të ditur se 14 vjeçaret merrnin mesazhe në whatsapp nga mësuesi Bledar Duro, i cili dyshohet se i ka ngacmuar në harkun kohor të një muaji.
Kanë qenë vajzat që bashkë me prindërit i janë drejtuar komisariatit të policisë së Korçës për të denoncuar rastin e rëndë dhe si provë kanë lënë telefonat e tyre me mesazhet e mësuesit.
Sipas informacioneve nga burime policore, mesazhet dërgoheshin kur nxënëset nuk ishin në shkollë.
Mesazhet e shpeshta kohëve të fundit detyruan nxënëset të ndërmerrnin një hap tjetër për t’ju drejtuar policisë së Korçës.
Bledar Duro, mësues pranë shkollës ‘Sotir Gura’ në Korcë u arrestua menjëherë nga policia ndërsa pritet të zbardhen më tepër detaje lidhur me rastin.
Ndërkohë, celularët e palëve janë sekuestruar në cilësinë e provës materiale për të verifikuar më tej rastin.
Raportohet se Drejtoria e Shkollës ‘Sotir Gurra’ që në momentin që u njoh me denoncimin e vajzave, bënë pezullimin e menjëhershëm të mësuesit Bledar Duro.
Poashtu mësohet se nga Drejtoria Arsimore do të zbatohet në vijim një plan masash shtesë për sigurinë e nxënëseve nëpër shkollat e qarkut.
Ndërkohë nga grupi hetimor mësohet se mesazhet kishin përmbajtje të rënda, të cilësuara si skandaloze.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
