Gjykata e Posaçme ka pranuar kërkesën e ish-ministrit të Mjedisit Lefter Koka, ish-sekretarit të kësaj Ministrie Alqi Bllako dhe 7 të pandehurve të tjerë, që procesi ndaj tyre të vijojë me gjykim të shkurtuar.
Ne rast se ata gjenden fajtorë nga Gjykata do të përfitojnë ulje të dënimit me një të treten.
Ndërsa për Etleva Kondin procesi do të vijojë me gjykim të zakonshëm dhe çështja u veçua.
Seanca e radhës ku SPAK do të lexojë pretencën do të zhvillohet me 18 maj ora 09:00.
Kërkesa për gjykim u lexua nga prokurori Arben Kraja ndërsa i pranishëm ishte dhe prokurori Klodian Braho.
Sipas SPAK, Koka në cilësinë e ish-ministrit ka përfituar rreth 3.7 milionë euro ryshfet nga tre administratorët e kompanisë Albtek Energy, Klodian Zoto, Mirel Mërtiri e Stela Gugallja për dhënien me koncesion dhe ndërtimin e Inceneratorit të Elbasanit.
GJKKO rrëzoi dhe kërkesën për bashkimin e çështjes me atë të Fierit
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
