Vijojnë replikat në distancë mes presidentit Ilir Meta dhe kryeministrit Edi Rama pas mosdekretimit nga ana e presidentit të ministrit të Jashtëm Gent Cakajt. Me anë të një tjetër cicërime kreu i qeverisë iu përgjigj presidentit duke e akuzuar kreun e shtetit se po nëpërkëmbë një djalë të ri të paktën 1000 herë më të ditur se ai.
Kryeministri Rama shkruan se janë duke u marrë paturpësisht me fjalë si të ishte Dëshmitari X..
"Që Presidenti ynë të shkelë Kushtetutën, godasë qeverinë, nëpërkëmbë një djalë të ri e të paktën 1000 herë më të ditur se ai, duke u marrë paturpësisht me fjalë si të ishte Dëshmitari X...Oh çfarë marre! IM me qyqarët e kadrinjtë mbrojnë Kosovën nga një shqiptar i Kosovës. Pupupu", shkruan Rama.
Më herët Meta u shpreh se Pavarësia dhe integriteti territorial i Kosovës dhe vendimi i Gjykatës Ndërkombëtare të Drejtësisë janë të padiskutueshëm.
"Pavarësia, integriteti territorial i Kosovës dhe vendimi i Gjykatës Ndërkombëtare të Drejtësisë janë të padiskutueshme për Republikën e Shqipërisë deri në sekondën e fundit si President i vendit tim”, shkruan kreu i shtetit në një postim në rrjetet sociale "Twitter".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
