Eksperti i çështjeve ndërkombëtare Ilir Kulla, tha se përfaqësuesi i kishës ruse, ishte i pranishëm të enjten në funeralin e Kryepeshkopit Anastas Janullatos.
Nga studio e “Zonë e Lirë” të Arian Çanit në MCN TV, ai deklaroi se në Shqipëri erdhi numri 2 i kishës ruse, i cili është 41 vjeç.
Sipas tij është shumë e rrallë të bëhesh mitropolit në moshë kaq të re dhe e cilësoi si poliglot për shkak të formimit të tij.
Është një njeri që Zelensky e ka futur bashkë me 19 klerikë të tjerë në listën e zezë të Ukrainës.
Është një njeri i dialogut, por edhe sulmit, ka ndikim absolut të drejtpërdrejtë në botën politike dhe kishtare.
Vjen për personalitetin e Janullatos, një personalitet me përmasa botërore.
Përfaqësuesi i kishës ruse, ndodhet në të njëjtin event ku ndodhet edhe Patriarku Bartolomeu i Kostandinopojës.
Është hera e parë që një përfaqësues i Papës, përfaqësuesi më i lartë i Patriarkanës, vetë Patriarku dhe numri 2 i kishës ruse, bëhen të gjithë bashkë në të njëjtë që nga nisja e luftës në Ukrainë.
Ky është njeriu që shkon e pret Papa, e presin gjithë liderët e shtetit, shkon direkt te Putin.
Është njeriu që Patriarku Kirill i Rusisë, e ka rritur me duart e tij për ta bërë pasardhësin e vetë.
Për mendimin tim kanë filluar kontaktet nën tavolinë mes dy kishave, për të arritur atë që është paqja e vërtetë.
Shërbimi më i madh sekret në botë, është kisha ruse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
