Një ditë pas përplasjes me deputetët e Partisë Socialiste, naftëtarët shprehin zhgënjimin e tyre nga mungesa e takimit me deputetin e zonës dhe njëherazi Kryetarin e Kuvendit, Gramoz Ruci. Bujar Osmanaj, një prej naftëtarëve që proteston çdo ditë për të drejtat e naftëtarëve thotë në një lidhje telefonike për TvT se skanë asnjë derë ku të ankohen.
“Ishte një rastësi, ishte një fat, që aty dje ishte edhe një mbledhjë e PS, pamë që ishin edhe deputetët, kërkuam një takim me kryetarin e Kuvendit, tani pasi e kanë lajmëruar ata kryetarin e kuvendit që ishim grumbulluar, e kaluan te dera tjetër, që ne nuk u tërhoqëm dot, ata sa marrin mandatin e deputetit, harrojnë”
Kërkesa e vetme e naftëtarëve është i statusit të tyre i cili u njeh një detyrim monetar nëse kompania ku punojnë shpall falimentin.
“Protestojmë sepse kompania “Bylis energy” prej periudhës 1 tetor deri 31 dhjetor, kur e kanë mbyllur, na kanë lënë, na kanë deklaruar një pagë 260 mijë lëkë, dhe atë nuk na e kanë dhënë, brenda ligjeve dhe rregullave të shtetit tonë. As statusin e naftëtarit, që shteti e bëri ligj dhe nuk e zbatoi, na jepte 80 përqind të pagës në shkallë vendi”.
Burime zyrtare pranë ministrisë i thanë Tv T se institucioni nuk ka rol vendimarrës dhe detyrues ndaj kompanisë private por pranojnë se vetëm kanë ndërmjetësuar me këtët të fundit për një zgjidhje të përbashkët sa i përket situatës së naftëtarëve. “Bylis Energy” mori nën administrim uzinën e Ballshit në fillim të muajt mars të vitit 2018, duke shmangur fillimisht shlyerjen e pagave të prapambetura e duke nisur të ofrojë kontrata selektiv për naftëtarët.
Zyrtarët e lartë të shtetit kanë premtuar gjithmonë në prezantimin e aksionarëve të ri të uzinës së Ballshit se do të jenë ata që do ti jap fund problemeve të naftëtarëve, por deri më sot pa rezultat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
