Ish-ministri i Shëndetësisë Ilir Beqaj është riparaqitur ditën e sotme në SPAK, këtë herë me kërkesë të prokurores Elida Kaçkini.
Në prani të avokatit, Beqaj po pyetet për aferën e fondeve të SASPAC. Për këtë hetim SPAK kreu kontrolle në kompaninë delta Farma dhe restorantin “Gzona”.
Kujtojmë që ky është hetimi i dytë për ish-mininistrin Beqaj pas atij të sterilizimit.
Në një raportim për MCN Live gazetari Arsen Rusta bën me dije:
Ish-ministri i Shëndetësisë Ilir Beqaj, në cilësinë e personit të pandehur, është riparaqitur në SPAK. Ai i është përgjigjur fletëthirrjes së prokurores Elida Kaçkini, siç mëson Mcn Live, dhe arsyeja është dhënia e deklarimeve për një hetim të dytë që është duke u zhvilluar ndaj ish-ministrit, ajo e pastrimit të parave dhe korrupsionit aktiv dhe pasiv. Janë bërë kontrolle në kompaninë farmaceutike Delta Farma, po ashtu edhe në restorantin ku bashkëshortja e z.Beqaj ka qenë aksionere dhe më pas i ka shitur ato, restorantin ‘Gzona’.
Për të njëjtën procedim penal SPAK ka bërë bastisjen e apartamentit të z.Beqaj dhe sekuestron e disa provave materiale, të cilat ish-ministri ka kërkuar të shpallen të pavlefshme. I ka rrëzuar gjykata këto kërkesa. Ndaj tij ka dy masa sigurie, detyrim paraqitje dhe bllokim pasaporte. Ky është një hetim i dytë që nuk lidhet me sterilizimin. Çfarë qëndrimi po mban z.Beqaj në lidhje me SASPAC, mbetet për t’u parë, por prania e avokatit tregon që çdo qëndrim do jetë i matur. Nëse për hetimin e sterilizimit pati një përplasje mes gjykatës dhe prokurorisë, ndërsa këtë herë prokuroria e posaçme ka vendosur që hetimin ta vazhdojë në gjendje të lire.
S’ka masa për personat e hetuar, por ata janë duke u pyetur dhe sot është radha e z.Beqaj, por kjo nuk shmang një mundësi të një mase sigurie, apo një vendim sekuestro, apo pushim hetimi, pasi gjithçka ka nisur në kushtet e flagrancës thotë SPAK, pasi ka mundur të administrojë nëpërmjet përgjimeve, nëpërmjet faturave, abuzime me paratë e fondeve të BE dhe Agjencisë Shqiptare të Investimeve. Përgjimet nga telefoni i shoferit të z.Beqaj konsiderohet një provë e rëndësishme, ku është mundur të dokumentohet ndërhyrja dhe manipulimi për një vlerë 20 mijë euro, ku të njohurit e z.Beqaj ndërhynin për të sistemuar faturat pasi kishin marrë paratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
