Autoritetet në kryeqytetin e Ukrainës, Kiev, u kanë kërkuar njerëzve që të mos përdorin makinat e tyre për të kursyer karburant për ushtrinë.
"Nëse jeni kthyer në kryeqytet, ju lutemi përdorni transportin publik nëse është e mundur. Ata që janë në vende të sigurta jashtë Kievit, ju lutemi prisni përpara se të ktheheni”, tha Mykola Povoroznyk, nënkryetari i Administratës Shtetërore të Qytetit të Kievit, duke shtuar se autoritetet janë duke marrë në konsideratë nevojat e ushtrisë.
Povoroznyk tha se nuk ka probleme me rrjetin e transportit publik në qytet, i cili po zgjerohej vazhdimisht për të ofruar transport për banorët që kthehen në kryeqytet.
Autoritetet në kryeqytet u kanë bërë thirrje qytetarëve që të presin ende për t’u rikthyer në kryeqytet për shkak të rrezikut të vazhdueshëm të sulmeve me raketa. Aktualisht, afro 1/3 e popullësisë mendohet se është larguar nga kryeqyteti ukrainas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
