Presidenti i vendit, Hashim Thaçi ka folur edhe për themelimin e Ushtrisë së Kosovës. Thaçi ka thënë se mosthemelimi i Ushtrisë në vitin 2014 ka qenë rezultat i gabimeve të spektrit politik.
“Në vitin 2014 kemi pasur mundësi të themelojmë ushtrinë, nuk na ka penguar komuniteti serb, por ka qenë pjesë e gabimeve të spektrit politik. Ka qenë gabimi ynë, sikur në atë kohë të themelohej, sot Kosova së paku do të ishte pjesë e partneritetit të paqes e gatshme për NATO”, tha Thaçi në RTV Dukagjini.
Presidenti duke folur rreth Listës Serbe, ka theksuar se rreziku në Kosovë nuk ekziston nga serbët, dhe se shteti i Kosovës nuk cenohet nga serbët e Kosovës e as politikat e tyre.
Ai shtoi se themelimi i Ushtrisë së Kosovës do të ndodhë në kohën e duhur.
“Çështja e ushtrisë do të vazhdojë së trajtuari me seriozitet edhe nga SHBA dhe NATO dhe në një moment të duhur do të ndodhë”, tha presidenti Thaçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
