Nga 12 marsi deri tani, janë larguar nga puna 54,917 persona

54 mijë e 917 persona janë larguar nga puna në Shqipëri nga data 12 mars dhe deri tani.

Janë 62 mijë e 79 biznese që kanë aplikuar pranë Drejtorisë së Përgjithshme të Tatimeve për të marrë pagën e luftës për punonjësit e tyre.

Numri total i punonjësve të këtyre sipërmarrjeve që kanë bërë kërkesë për mbështetje nga shteti shkon në 114 mijë e 27, duke kaluar kështu numrin e pagave që planifikoheshin të jepeshin nga buxheti për bizneset e vogla dhe të vetëpunësuarit.

Burime konfidenciale për TVT nga Drejtoria e Përgjithshme e Tatimeve thanë se deri tani bizneset me xhiro vjetore deri në 14 mln lekë dhe që janë mbyllur me vendim qeverie për të parandaluar përhapjen e koronavirusit, janë pranuar 26 mijë e 345 kërkesa dhe janë refuzuar 24 mijë e 944.

Ndërsa për punonjësit, mësohet se janë pranuar 44 mijë e 902 kërkesa dhe janë refuzuar 46 mijë e 355.

Për bizneset

Kerkesa te Miratuara

26,345

Kerkesa te Refuzuara

24,944

Për punonjesit 

Kerkesa e Miratuar (për t'u paguar)

44,902

Punonjës të Refuzuar

46,355