Kryeministri polak Donald Tusk tha të mërkurën se dëshiron të nisë një program “policimi detar” për të siguruar Detin Baltik kundër kërcënimeve ruse.
Duke folur me gazetarët në Varshavë përpara një samiti të liderëve nordikë dhe baltikë në Suedi, Tusk tha se nisma e patrullimit ushtarak do të ishte një sipërmarrje e përbashkët e vendeve të vendosura në Detin Baltik, të cilat kanë të njëjtin ndjenjë kërcënimi të paraqitur nga Rusia.
Nëse Europa është e bashkuar, atëherë Rusia është një xhuxh teknologjik, financiar dhe ekonomik në raport me Evropën.
Por nëse Evropa ndahet, Rusia përbën një kërcënim për secilin vend evropian individualisht.
Sugjerimi vjen pasi një kabllo telekomunikacioni nënujore 1000 kilometra e gjatë e cila lidh Finlandën me Gjermaninë dhe një tjetër që lidh Suedinë me Lituaninë u ndërpre javën e kaluar. Një anije me flamur kinez e cila u nis nga Rusia dhe lundroi përmes Detit Baltik dyshohet se është përfshirë në ngjarje.
Ministri gjerman i Mbrojtjes Boris Pistorius e quajti një akt “sabotimi”. Moska, e cila ka rritur fushatën e saj të luftës hibride në Evropë që nga pushtimi i saj në shkallë të plotë të Ukrainës në fillim të vitit 2022, i quajti sugjerimet se Rusia kishte ndonjë lidhje me kabllot e dëmtuar “qesharake”. Mirëpo Pekini nga ana e tij ka mohuar çdo përfshirje.
Nëntë vende Suedia, Danimarka, Rusia, Finlanda, Estonia, Letonia, Lituania, Gjermania dhe Polonia, kufizohen me Detin Baltik. Flotat detare ruse janë ankoruar në Shën Petersburg dhe në enklavën e Kaliningradit.
Ish-shefi i mbrojtjes suedeze, Micael Byden, paralajmëroi në muajin maj se Kremlini donte të merrte kontrollin e detit me rëndësi strategjik, duke paralajmëruar se ai nuk duhet të bëhet sheshi i lojërave të Putinit ku ai “tmerron anëtarët e NATO-s”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
