Kolegji Zgjedhor ka rrëzuar kërkesën e Partisë Demokratike përsa i përket fletës së zgjedhjeve të 25 prill. PD kishte kërkuar që fleta e votimit të jetë me emra dhe jo me numra, por të renditura në mënyra vertikale dhe jo horizontale.
Trupa gjykuese e Kolegjit Zgjedhor që shqyrtoi këtë çështje ishte e përbërë nga Gentjan Medja, Alma Kolgjoka, Manjola Xhaxho, Esmeralda Xhili dhe Asim Vokshi. Relatore e çështjes ishte gjyqtarja Manjola Xhaxho.
Më herët PD e kishte çuar çështjen edhe në KAS, ndërsa kishte kërkuar edhe heqjen e logoës së BD, pasi kishte ngjashmëri me të sajën dhe mund të krijonte konfuzion. Edhe kjo kërkesë është hedhur poshtë.
Kolegji Zgjedhor është institucioni I fundit ku mund të apelohej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
