Ndërsa pritet nisja e legjislaturës së re parlamentare, mes dy partive më të mëdha të opozitës ka një ftohje. Analisti Ben Andoni analizoi në studion e lajmeve të MCN TV zhvillimet e fundit në Lëvizjen Socialiste për Integrim, e cila sipas tij po shfaq shenjat e para se mes saj dhe PD-së nuk shkojnë shumë gjëra. Andoni komentoi qëndrimin e nënkryetarit të LSI-së, Petrit Vasili, i cili u shpreh dje kritik lidhur me rikthimin në Parlament pa zgjidhur çështjen e 25 prillit.
Pas zgjedhjeve, LSI ka humbur shumë dhe kjo shihet. Casusi që përdor zoti Vasili nuk i takon këtij momenti. LSI problemin më të madh e ka te vetorganizimi dhe një lloj katarsisi. Zoti Rama me ikjen e tij la shumë pikëpyetje. Qenësia e tre partive kryesore në parlament tregon që 25 prilli është njohur. Kauza e masakrës elektorale që PD e mbajti thjesht për zgjedhjet e saj por nuk e çoi përpara dhe heshtja shumë e madhe e LSI nuk qëndron në këto momente. Por keni të drejtë, këto janë shenjat e para që mes LSI dhe PD nuk shkojnë shumë gjëra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
