Ylli Prroçka, banor i zonës së Thethit bëri me dije përmes një lidhje telefonike me studion e lajmeve në MCN Tv se turistët e bllokuar në këtë zonë gjatë orëve të mëngjesit janë shëndoshë e mirë dhe kanë zbritur në Shkodër.
Duke vijuar shpjegimin e tij, Prroçka tha se ishin vetëm banorët e Thethit që ndihmuan turistët që qëndruan të bllokuar për 4 orë dhe se tani situata është normalizuar.
Situata është normalizuar, banorët e zonës kanë arritur ta gjejnë një dalje për të siguruar kalimin e njerëzve që kishin mbetur. Kishin frikë se kishin fëmijë të vegjël. Ka pasur reshje të mëdha e të dendura. Shkova atje ku kisha më shumë frikë se ishte prishur rruga, kanë mbetur të izoluar nga ora 08:00 deri në 12: 00. Vetëm banorët ndihmuan e çuan në normalitet. Tani rruga po pastrohet me fadroma. Kjo pjesa e rrugës kalohet, vetëm pjesa e rrugës tek pedonalja është pak e vështirë të kalohet me makina të vogla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
