Ish-Presidenti Ilir Meta ka mbërritur në Prokurorinë e Posaçme Kundër Korrupsionit dhe Krimit të Organizuar, ku po merret në pyetje në lidhje me dosjen “CEZ-DIA”.
Presidenti i Partisë së Lirisë po hetohet për "korrupsion", "pastrim parash" dhe "fshehje e mosdeklarim të pasurisë".
Në një reagim të mëhershëm në rrjetet sociale Meta tha se mezi pret të takohet me ata që i quan “kolegët e megahajdutëve të regjimit më të korruptuar në kontinent”.
“Mezi po pres të takohem me “kolegët” e megahajdutëve të regjimit më të korruptuar në kontinent dhe pas seancës reciproke të pyetjeve në SPAK, jam i hapur t’u përgjigjem pyetjeve të gazetarëve”.
Gjatë dëshmisë është i pranishëm edhe avokati i tij Genc Gjokutaj.
Kujtojmë që Meta u arrestua më 21 tetor të vitit të kaluar dhe ndodhet në masën e sigurisë “Arrest në burg”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
