Një javë më parë emisioni “Ajsberg” në MCN TV trajtoi seancën e rivlerësimit të kryeprokurores së Tiranës, Elisabeta Imeraj. Në atë proces u vunë re shumë diskutime dhe fjalë.
Vëzhguesi i ONM, Theo Jacobs, pikërisht në këtë seancë, e cila zgjati më shumë se sa seancat e tjera, tha disa opinione të pabazuara në fakte. Sipas drejtuesit të emisionit Artur Çani ndër të tjera ai i ka thënë në seancë Elisabeta Imerajt se gjyqtarja që i kishte bërë divorcin nuk ishte paraqitur në vetting sepse ishte e korruptuar, ndërkohë që ky ishte opinion sepse fakti ishte ndryshe, ajo kishte mbushur moshën e pensionit.
“Mbase edhe vëzhguesit ndërkombëtarë i ka zënë sëmundja jonë për të thënë opinion të pambështetura në fakte. Duke mos përdorur faktet ne mund ti bëjmë opinionet si të duam duke hedhur poshtë çdo gjë. Faktet nuk e lejojnë këtë gjë sepse janë kokëforta. Vëshguesi i ONM, Theo Jacobs, pikërisht në këtë seancë nxorri një fakt sipas tij, por që ishte përgjysmë. Sigurisht ai nuk bëri punën që i është caktuar të bëjë sepse një vendim i Apelit i Gjykatës së Romës e rrëzonte atë vendim të shkallës së parë ku mbështetej Jacobs. Ai i tha në seancë Imerajt se gjyqtarja që i kishte bërë divorcin nuk ishte paraqitur në veting sepse ishte e korruptuar. Ky ishte opinion sepse fakti ishte ndryshe, ajo kishte mbushur moshën e pensionit dhe për këtë arsye nuk ishte në vetting”, tha Çani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
