CNN Greece raporton se mediat pro qeveritare në Turqi janë hapur sot me tituj provokues, ku shkruhet se Greqia kërkon luftë. Gazeta Yeni Safak po qarkullon sot me një faqe të parë: "Greqia do luftë" duke iu referuar çështjes S-300.
Në artikull flitet për dy skenarë: Ose Greqia dëshiron luftë ose se dëshiron të detyrojë Turqinë të zhvendosë S-400 në brigjet e Egjeut dhe të sjellë Perëndimin në konflikt me Turqinë.
“Aksam” shkruan se “radarët grekë S-300 kanë një armik, avionët F-16 turq”, duke përsëritur pretendimet për aktivizim të raketave nga Greqia.
Ndërkaq mediat opozitare në Turqi e vënë theksin në dobësimin e pushtetit të Rexhep Tajip Erdoganit, duke vënë në dukje se në mitingjet e tij parazgjedhore ka gjithnjë e më pak njerëz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
