Turqia ka legalizuar kanabisin në 19 provinca, me qëllim që të luftojë prodhimin e paligjshëm, bëri të ditur Ministria e Ushqimit dhe Agrikulturës.
Kultivimi i kanabisit do të jetë rreptësisht i kontrolluar dhe do të shërbejë për qëllime mjekësore dhe shkencore.
Sipas rregullores, kultivuesit duhet të marrin leje nga qeveria për një periudhë 3-vjeçare, shkruan turkja “Hurriyet”.
Ata duhet të kenë një dëshmi që provon se nuk janë përfshirë asnjëherë në aktivitetin e paligjshëm të kultivimit të narkotikëve apo përdorimin e tyre.
Ekipe të ministrisë do të kontrollojnë sipërfaqet e mbjella çdo muaj.
Rregullorja parashikon që kultivuesit të dorëzojnë të gjitha pjesët e bimës në përfundim të procesit të kultivimit.
Provincat ku do të kultivohet ligjërisht kanabis janë: Amasya, Antalya, Bartın, Burdur, Çorum, İzmir, Karabük, Kastamonu, Kayseri, Kütahya, Malatya, Ordu, Rize, Samsun, Sinop, Tokat, Uşak, Yozgat dhe Zonguldak.
Konsumi i kanabisit rekreacional është i paligjshëm në Turqi. Posedimi, sigurimi apo shpërndarja e lëndëve narkotike përfshirë kanabisin dënohet me minimum dy vjet burg në Turqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
