Përmbytjet në Majorka, 10 të vdekur

Përmbytjet biblike në Majorkën Lindore e kanë çuar në 10 bilancin e të vdekurve.

Mes tyre, dy janë britanikë dhe një holandeze.

Ndërkohë, dhjetëra persona rezultojnë të zhdukur.

Sipas burimeve, autoritetet kanë bërë me dije ditën e sotme se dy shtetas maqedonas nuk janë gjendur, pasi ishulli u godit nga përmbytje të mëdha.

Po ashtu, shërbimet e emergjencës nëpërmjet një postimi në Tuiter kanë njoftuar zhdukjen e një të mituri dhe dy shtetasve gjermanë.

Autoritetet kanë paralajmëruar qytetarët të tregohen të vëmendshëm ndaj rrezikut, pasi dhjetëra persona nuk janë gjendur ende.

Reshjet intensive i kanë kthyer rrugët në lumenj.

Fotografitë e publikuara nga mediat lokale tregojnë përmasat e përmbytjeve.

Ekspertët, megjithatë, parashikojnë se fenomeni nuk do ta humbasë intensitetin në ditët në vijim. Ndërkohë, ata paralajmërojnë se të dielën mund të ketë stuhi të tjera të fuqishme.