Përfaqësuesi i përhershëm rus në Organizatën e Kombeve të Bashkuara, Vasily Nebenzya i bëri thirrje homologes së tij amerikane Linda Thomas-Greenfield që SHBA-të, t’i kthejnë paratë e vjedhura nga populli afgan, në vend që të përpiqet të detyrojë të tjerët të paguajnë për faturat e dikujt tjetër.
Thirrja u bë gjatë takimit të Këshillit të Sigurimit të OKB-së për Afganistanin.
Thomas-Greenfield pohoi se Rusia dyshohet se kontribuon shumë pak në financimin e rimëkëmbjes së Afganistanit.
Nga spekulimet e gjata të kolegëve tanë amerikanë, kjo mund të perceptohet si një thirrje drejtuar Rusisë dhe Kinës që të paguajnë për restaurimin e Afganistanit.
Gjoja janë SHBA-të dhe aleatët e saj ata që paguajnë për gjithçka, ndërsa gjithçka që Rusia dhe Kina bën janë vetëm fjalë boshe. Cinizmi i pretendimeve të tilla është thjesht tronditës.
Na kërkohet të paguajmë për rindërtimin e vendit, ekonomia e të cilit u shkatërrua nga pushtimi 20-vjeçar nga SHBA dhe NATO. Në vend që të pranojmë gabimet dhe të përpiqemi t’i rregullojmë ato, ne po akuzohemi se nuk jemi të gatshëm të paguajmë për faturën e dikujt tjetër. Është një propozim interesant! Jo, ish-partnerët tanë të dashur perëndimorë, jeni ju që duhet të paguani për gabimet tuaja.
Dhe, si fillim, është e domosdoshme që të kthehen paratë e vjedhura nga populli afgan. Ne kemi ndihmuar dhe do ta ndihmojmë Afganistanin. Dhe ne ju sugjerojmë që të përqendroheni në pagimin e faturave për popullin afgan për 20 vitet e fundit.
Pushtimi juaj i pakuptimtë, e shkatërroi Afganistanin dhe e vendosi popullin e tij në prag të mbijetesës. Jo çdo gjë mund të matet me para. Jetët e atyre që vdiqën gjatë imponimit tuaj të demokracisë në Afganistan nuk mund të maten me para; as paratë nuk mund të blejnë besnikërinë e popullit të Afganistanit, të cilin SHBA e ka humbur plotësisht, me sa duket.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
