Bie suvaja gjatë shfaqjes në teatrin e Shkodrës, plagoset aktori

Një incident i frikshëm ka ndodhur pasditen e djeshme menjëherë pas shfaqjes së teatrit “Migjeni” të quajtur “Anmiku në Shtëpi” e Ernest Koliqit.

Një copë muri u shkëput nga një fasadë e një ndërtese të vjetër në lagjen “Gjuhadol” dhe goditi në trup aktorin Nikolin Ferketa i cili mori një dëmtim por duke qenë jashtë rrezikut për jetën.

Aty afër ishin edhe fëmijë të vëgjel të cilët kishin ardhur me prindërit e tyre për të ndjekur këtë shfaqje.

Shpesh herë është ngritur ky alarm për ndërtesat e vjetra që nuk kanë asnjë lloj sigurie në Shkodër dhe në total janë të paktën 28 të tilla.

Institucionet vijojnë të heshtin ndaj kësaj problematika ndërsa kalimtarët janë të rrezikuar gjithmonë.