Duket se akuzat e shkrimtarit Roberto Saviano, ministri i Brendshëm i Italisë, Matteo Salvini i ka marrë shumë seriozisht, pasi ka paditur autorin e njohur të "Gomorra" për shpifje.
Saviono më parë me anë të një mesazhi në "Twitter" e përshkroi atë si "ministër i botës së krimit".
"Kam ngritur një padi kundër Saviano, siç kisha premtuar", shkroi Salvini në "Twitter", i cili është edhe zëvendëskryeministër dhe kreu i partisë Lega Nord, "Unë pranoj çdo kritikë, por nuk lejoj askënd të thotë se unë e ndihmoj mafien".
Kritik i betuar i Salvinit dhe politikave të tij antiemigracion, shkrimtari postoi këtë javë në "Twitter" foton e trupave të pajetë të një gruaje dhe fëmijës së saj, të mbytur në Mesdhe, duke e shoqëruar me mesazhin: “Sa kënaqësi mund t’i japë ministrit të Brendshëm kjo pamje dhe urrejtja që ke mbjellë do të të përmbysë”.
Salvini shkaktoi një protestë ndërkombëtare muajin e kaluar, kur ai bllokoi një anije shpëtimi të emigrantëve që mbante 629 njerëz duke mos e lejuar të futet në portet e Italisë. Anija e cila ishte drejtë rrugës së saj për në Sicili, u bllokua në mes të Italisë dhe Maltës, pasi të dy vendet refuzuan që ajo të hynte në vendet e tyre. Një javë më parë Salvini bërë thirrje që ti jepej fund që Siçilia të ishte kampi i refugjatëve për në Evropë.
Duke folur për "The Guardian", në përgjigje të incidentit, Saviano tha se lufta e Italisë ndaj emigrantëve e kishte bërë atë që të friksohet për të ardhmen e vendit të tij. "Italianët po kthehen prapa si shoqëri në mes të një ngritjeje të nacionalizmit që tregon një shpirt racist kundër çdo gjëje që perceptohet si një trup i huaj", shkroi ai. "Është detyra e Italisë që të luftojë për ndryshime për të mirë, për të mos zbritur në nativizmin më borgjez. Jetët njerëzore janë në rrezik ".
Saviano, i cili ka jetuar nën shoqërimin e rojeve të armatosur që nga publikimi i bestsellerit të mafias "Gomorra" në vitin 2006, u përgjigj në njoftimin e veprimeve ligjore duke akuzuar Salvini se është i frikësuar nga zërat kritikë.
Muajin e kaluar, Salvini kërcënoi se do ti hiqte mbrojtjen me polici autorit pas një sulmi të vazhdueshëm me kritika ndaj politikave të tij të emigracionit.
Padia e fundit vjen pak ditë pasi një njeri i akuzuar për shpifje ndaj Salvinit u dërgua në një gjykat në Milano. Salvini po kërkon 20,000 euro dëmshpërblim nga ky person, i cili në vitin 2016 i bëri thirrje atij në një postim në rrejtin social "Facebook" që të "vendosësh një armë në gojën tënde".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
