Mijëra shishe të vogla të vaksinës së shumëpritur Covid-19 pritet të mbërrijnë në të 50 shtetet të hënën, ndërsa zyrtarët e lartë shëndetësorë amerikanë shprehin shpresën që punonjësit e kujdesit shëndetësor të fillojnë aplikimin e injeksioneve menjëherë, raporton CNN.
Lajmi vjen pasi vaksina Pfizer-BioNTech Covid-19 sqaroi pengesën e saj të fundit: Dr. Robert Redfield, drejtori i Qendrave Amerikane për Kontrollin dhe Parandalimin e Sëmundjeve, pranoi rekomandimin e një komiteti këshillues të shtunën që vaksina t'u jepet personave 16 vjeç e lart , që do të thotë se tani mund të përdoret në SHBA.
Në një deklaratë të lëshuar të dielën, Redfield njoftoi se ai kishte pranuar rekomandimin nga Komiteti Këshillimor i CDC për Praktikat e Imunizimit. Vaksinimet e para janë "vendosur të fillojnë që nga e hëna", tha ai.
"Ky është hapi tjetër në përpjekjet tona për të mbrojtur amerikanët, për të zvogëluar ndikimin e pandemisë Covid-19 dhe për të ndihmuar në rivendosjen e një normaliteti në jetën tonë dhe vendin tonë," tha ai në një deklaratë.
Vaksinimi kundër COVID-19 do të fillojë “shumë shpejt, shpresojmë që të hënën,” tha Stephen Hahn, komisioner i Administratës amerikane për Ushqimin dhe Barnat, në një interrvistë për rrjetin CNN. Më shumë se 184,000 ampula u dërguan me kamionët e parë nga fabrika e Pfizerit.
Punonjësit e shërbimeve shëndetësore si dhe punonjësit në qendra për të moshuarit do të jenë të parët që vaksinohen.
Zoti Hahn tha se ka mundësi që 20 milionë amerikanë të vaksinohen me dy dozat e nevojshme brenda dhjetorit. Moncef Slaoui, këshilltari i lartë i qeverisë për prodhimin e vaksinës, tha të dielën në intervistë për emisionin “Fox News Sunday” se 100 milionë amerikanë mund të vaksinohen deri në fund të marsit.
Zoti Hahn tha se qeveria “duhet të tregohet transparente për sigurinë” e vaksinës së Pfizerit, si dhe vaksinën e Modernas që është në procesin e analizës. Provat klinike tregojnë se vaksina është 95% e suksesshme.
Zoti Slaoui tha se në mënyrë që popullata në SHBA të përftojë “imunitetin e tufës” e cila e ndal transmetimin e virusit, rreth 75-80% e banorëve duhet të vaksinohen. Ai tha se shpreson që kjo masë të arrihet deri në maj ose qershor.
Vaksina e prodhuar me bashkëpunim nga kompanitë Pfizer dhe BioNTech u miratua të premten në darkë për përdorim emergjent tek individë mbi moshën 16 vjeç. Ndërkohë do të vazhdojnë analizat klinike për të parë nëse edhe fëmijë nën 16 vjeç si dhe gratë shtatzëna mund të vaksinohen, pasi këto dy grupime nuk ishin përfshirë në numër të mjaftueshëm në provat klinike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
