Në raundin e parë të zgjedhjeve Presidenciale të së dielës në Francë, kreu aktual i shtetit, Emmanuel Macron, prin dhe mban në distancë rivalen e tij të ekstremit të djathtë, Marine Le Pen.
Të dy, siç pritet, do të garojnë në raundin e dytë që do të mbahet më 24 prill, por Presidenti në detyrë do të paraqitet në vijën e startit me një avantazh të mirë mbi 27% të votave, kundrejt 24% të kundërshtares së tij.
Për të dy kandidatët ky është një përmirësim në krahasim me pesë vjet më parë, kur kreu i En Marche u ndal në 24% ndërsa Le Pen me 21.4% të votave.
Në vendin e tretë u rendit Jean-Luc Melenchon, kandidat i së majtës radikale.
Për të shkuan mbi 21% të votave, sidomos preferencat e grupmoshës 18-34 vjeç ku ishte dhe më i votuari. Në vendin e katërt u rendit Eric Zemmour, ish-gazetari i ekstremit të djathtë, me 7% të votave.
Në fjalën e parë pas rezultatit, Macron tha se asgjë nuk është vendosur ende dhe se dy javët e ardhshme do të jenë vendimtare për Francën dhe Europën.
Faleminderit të gjithëve, bashkohuni me ne për të krijuar një lëvizje të madhe politike uniteti dhe veprimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
