Kreu i Organizatës Botërore të Shëndetit (OBSH) ka dënuar si "raciste" komentet e dy mjekëve francezë, të cilët sugjeruan se një vaksinë për koronavirusin mund të testohej në Afrikë.
"Afrika nuk mund dhe nuk do të jetë një tokë provuese për çdo vaksinë", tha Drejtori i Përgjithshëm Dr. Tedros Adhanom Ghebreyesus.
Vërejtjet e mjekëve gjatë një debati televiziv shkaktuan zemërim, dhe ata u akuzuan se i trajtonin afrikanët si "derra njerëzorë".
Njëri prej tyre më vonë kërkoi ndjesë, thotë “BBC”.
Kur u pyet për sugjerimin e mjekëve gjatë konferencës së koronavirusit të OBSH-së, Dr Tedros u zemërua dukshëm, duke e quajtur atë "mendësi koloniale".
"Ështe një turp, i tmerrshëm, të dëgjohet nga shkencëtarët në shekullin XXI, një mendim si ky. Ne e dënojmë këtë në terma më të fortë të mundshëm, dhe ju sigurojmë se kjo nuk do të ndodhë", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
