U vra në atentat/ Prokuroria kërkon sekuestrimin e 2, 5 milionë euro pasuri të biznesmenit dhe familjarëve të tij (VIDEO)

<p>Prokuroria Tiranë kërkon konfiskimin e mbi 2.5 milionë euro pasuri, kryesisht apartamente dhe garazhe, të biznesmenit të ndjerë&nbsp;Ndue Gjergji, dhe familjarëve të tij.</p> <p>Ndue Gjergji ka ndërruar jetë në vitin 2020 si pasojë e një atentati me armë zjarri. Në njoftimin e organit të akuzës thuhet se është provuar se pasuritë lidhen dhe rrjedhin nga veprimtaria kriminale.</p> <p><a href="https://www.fibank.al/individe/kredi/kredi-konsumatore/kredi-konsumatore-premium" rel="noopener noreferrer" target="_blank"><img alt="Fibank" height="100" loading="lazy" src="https://www.mcntv.al/sites/default/files/fibank8.gif" width="300"> </a></p> <p><strong>NJOFTIMI&nbsp;</strong></p> <p><em>Prokuroria pranë Gjykatës së Shkallës së Parë të Juridiksionit të Përgjithshëm, Tiranë paraqiti kërkesën për konfiskimin e të paktën 2.5 milionë euro pasuri të shtetasit N.Gj. i cili ka ndërruar jetë në vitin 2020 si pasojë e një atentati me armë zjarri dhe e familjarëve të tij, pasi u provua se lidhen dhe rrjedhin nga veprimtaria kriminale.<br> &nbsp;Në kuadër të hetimeve mbi procedimin pasuror nr.03, të vitit 2023, në ngarkim të këtij shtetasi, rezultoi se i ndjeri ka qenë pjesë e një grupi kriminal i cili fushë kryesore të aktivitetit të tij kriminal kishte veprën penale ‘Trafikimit të lëndëve narkotike’ parashikuar nga neni 283 i Kodit Penal.&nbsp;</em><br> &nbsp;</p> <p><em>Prokuroria provoi se shtetasi N.Gj., ka qenë nën hetim në Hollandë për veprën penale të ‘Pastrimit të parave’ ndërsa më parë ka qenë i arrestuar dhe i dënuar për drogë në Itali. Nga analiza e fakteve dhe e dokumentacionit të administruar, përsa i përket pasurive të shtetasit N.Gj. dhe familjarëve të tij, rezultoi se kanë një nivel të pajustifikuar ekonomik dhe dyshohet se 13 pasuritë e paluajtshme i kanë fituar si rezultat i veprimtarisë &nbsp;kriminale.<br> &nbsp;Bazuar sa më sipër, prokuroria vlerësoi se pasuritë e tij dhe familjarëve plotësojnë kriteret e parashikuara nga neni 11 i ligjit nr.10192 datë 03.12.2009 ″Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë″, pasi ekziston dyshimi i arsyeshëm se shtetasi N. Gj, ka qenë i përfshirë në veprimtarinë kriminale të veprës penale ″Prodhim dhe shitje narkotikësh” dhe “Pastrimi i parave”.&nbsp;</em><br> &nbsp;</p> <p><em>Për këtë arsye, prokuroria kërkon konfiskimin dhe kalimin në pronësi të shtetit të pasurive të mëposhtme:<br> 1. Apartament me sipërfaqe 87.30 m2;&nbsp;<br> 2. Apartament me sipërfaqe 87.30 m2; &nbsp;<br> 3. Apartament me sipërfaqe 87.30 m2;<br> 4. Garazh me sipërfaqe 15.00 m2;<br> 5. Garazh me sipërfaqe. 15.00 m2;<br> 6. Garazh me sipërfaqe. 15.00 m2;&nbsp;<br> 7. Garazh me sipërfaqe 15.00 m2,;<br> 8. Apartament me sipërfaqe 617.84 m2;<br> 9. Apartament me sipërfaqe 87.30 m2;&nbsp;<br> 10. Njësi me sipërfaqe 45.21 m2;<br> 11. Garazh me sipërfaqe 15 m2;<br> 12. Garazh me sipërfaqe 15 m2; dhe<br> 13. Apartament me sipërfaqe 99.70 m2.</em></p> <iframe width="560" height="315" src="https://www.youtube.com/embed/W1JMGYKoLI8?si=sng1RnhVmZUJPsc3" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>