"Presidenti rus Vladimir Putin me shumë mundësi fshihet pas helmimit të ish spiunit rus dhe vajzës së tij", shprehet Boris Johnson, sipas BBC.
Sekretari i jashtëm britanik tha se "grindjet tona janë më Kremlinin e Putinit dhe vendimet e tij" lidhur me incidentin në Salisbury.
Rusia e mohon përfshirjen e saj dhe shprehet se "akuzat kundër z.Putin ishin "shokuese dhe të pafalshme"
Ndërsa shefi i NATO-s tha për BBC se Rusia ka tronditur "paqen dhe unitetin" me aleatët e Mbretërisë së Bashkuar.
Duke folur gjatë një vizite në një bunker ushtarak në perëndim të Londrës me ministrin e jashtëm polak, Boris Johnson tha se "inatin e kanë me Kremlinin e Putinit".
"Ne mendojmë se është shumë e mundshme që ishte vendimi i tij për të drejtuar përdorimin e një agjenti nervor në rrugët e Mbretërisë së Bashkuar, në rrugët e Evropës, për herë të parë që nga Lufta e Dytë Botërore", tha ai.
Ish-spiuni rus Sergei Skripal, 66 vjeç dhe vajza e tij Julia Skripal, 33 vjeç, mbeten të sëmurë rëndë në spital, pasi u gjetën të pavetëdijshëm në një stol në qytetin Wiltshire më 4 mars.
Qeveria e Britanisë së Madhe thotë se ata ishin helmuar me një agjent nervash të një lloji të zhvilluar nga Rusia e quajtur Novichok dhe Kryeministri Theresa May tha se besonte se Moska ishte "fajtore".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
